भाषा सेवा लेल आंशिक योगदान, अपने लोकनिक अवलोकनार्थ। क्लिक कय पढ़ल/देखल/सुनल जा सकैत अछि :

रिपोर्ट (63) अखबारक पन्ना (33) ऑडियो/वीडियो (21) मैथिली नाटक (19) कथा मैथिली (18) मैलोरंग (16) मैथिल पुनर्जागरण प्रकाश (14) दैनिक जागरण (12) मैसाम (10) मैथिली फिल्म (8) साक्षात्कार (8) मैथिली-भोजपुरी अकादमी (6) आलेख (5) ऑफिसक अवसर विशेष पर (3) झलक मिथिला (3) नवभारत टाइम्स (3) पाठकीय प्रतिक्रिया (3) बारहमासा (3) मैथिली पोथी (3) अखिल भारतीय मिथिला संघ (2) अछिञ्जल (2) अपराजिता (2) कथा मंचन (2) दीपक फाउंडेशन (2) मिथिला स्टूडेंट यूनियन (2) मिथिलांगन (2) मैथिली पत्र-पत्रिका (2) मैथिली लघु फिल्म (2) यात्रा संस्मरण (2) विश्व मैथिल संघ (2) सम्मानक सम्मानमे (2) हिन्दुस्तान टाइम्स (2) अस्मिता आर्ट्स (1) एकेडमी ऑफ़ लिटरेचर आर्ट एंड कल्चर (1) डी डी बिहार (1) देसिल बयना हैदराबाद (1) धूमकेतु आर्ट्स (1) भारती मंडन (1) मिथिला मिरर (1) मिनाप (1) मैथिली एलबम (1) मैथिली कथा (1) मैथिली जिन्दाबाद (1) मैथिली धारावाहिक (1) मैथिली पत्रकार (1) मैथिली लोकमंच (1) मैथिली संबोधन (1) विदेह (1) साझी धुआँ (1) साहित्य अकादेमी (1) साहित्यिक चौपाड़ि (1) स्वरचित (1) हिन्दी नाटक (1)

मुख्य पृष्ठ

Tuesday, March 21, 2017

मिथिला स्टूडेंट यूनियन मनौलक अपन दोसर स्थापना दिवस


राष्ट्रीय राजधानी दिल्ली केर आई.टी.ओ स्थित राजेन्द्र भवनमे रविदनि 26 मार्च 2017' "मिथिला स्टूडेंट यूनियन" अपन दोसर स्थाना दिवस मनौलक। कार्यक्रमक विधिवत शुरूआत स्नेहा झा द्वारा जय-जय भैरवि गाबि भेल आ तकरा बाद धीरज मिश्र द्वारा स्वागत गान मंगलमय दिन आजु हे गाबि उपस्थित पाहुन लोकनिक स्वागत केलनि । अतिथि लोकनि द्वारा दीप प्रज्जवलनके उपरान्त कार्यक्रमक शुरूआत सागर नवदिया केर मंच संचालन स' भेल जकरा निरंतरता देलनि एमएसयू केर नवनिर्वाचित राष्ट्रीय अध्यक्ष रौशन मैथिल।
मंच पर अतिथिक रूपमे अखिल भारतीय मिथिला संघक अध्यक्ष विजय चंद्र झा, चिकित्सिका आभा झा, अधिवक्ता कमलेश मिश्र, न्यूज ऑफ बिहारक संपादक पंकज प्रसून आ गायक सह अभिनेता विकास झा छलथि।

संस्थाक पूर्व अध्यक्ष अनूप मैथिल अपन वक्तव्यमे संस्थामे योगदान देनिहार सेनानीकेँ विषयमे चर्च करैत जमीनी स्तर पर संगठन द्वारा कोन तरहें संघर्ष कएल जा रहल अछि विषय पर विस्तृत जानकारी देलनि । चिकित्सिका आभा झा मिथिलाक महिलाक स्थिति, योगदान आ हुनक स्वास्थ्य पर अपन विचार रखलनि । अखिल भारतीय मिथिला संघक अध्यक्ष विजय चंद्र झा द्वारा मिथिला स्टूडेंट यूनियनक कार्यशैली केर समर्थनमे एमएसयूकेँ बेसी सँ बेसी योगदान देबाक बात मंच सँ कहला। मिसु सेनानी विद्याभूषण राय कार्य संगठनक विस्तारमे पटनामे युवा चेतना आदि विषय पर अपन बातसँ उपस्थित लोककेँ अवगत करौलनि, आ पूर्व राष्ट्रीय अध्यक्ष कमलेश मिश्र संस्थाक आगामी गतिविधिक विषयमे अपन बात रखलनि। 

एकरा बाद मंच सांस्कृतिक रहल आ मंचक संचालन राधे भाई केर देल गेलनि। युवा गायक  अभिनेता विकास झा कम समयमे मिथिला-मैथिलीसँ जुड़ल एक सं बढ़िक' एक गीत गाबि सभकेँ मनोरंजन करैत एमएसयू केर उर्जा बढ़ेबा बला गीत सभ सुनबैत रहला। भाइ  राधे मिथिला-मैथिलीक स्थिति आ बिहार सरकार सँ मिथिलाक उपेक्षाक बात रखैत कार्यक्रमकेँ आगू बढ़ेला। जूली झा अपन गायकी सँ दर्शक दीर्घाकेँ झूमि-झूमि थोपड़ी बजबैत रहै लेल बाध्य करैत रहली गीत-संगीतकेँ सुरगर बनेवाक जिम्मेदारी किशोर एंड ग्रुपकेँ छलनि। एमएसयू केर किछु कार्यकर्ता सेहो एहि मंच पर गीत गौलनि, नव मुदा प्रयास नीक छलनि।

अंतमे धन्यवाद ज्ञापनक बाद अहि कार्यक्रमक विधिवत समापन कएल गेल आ कार्यक्रम अनेकानेक दृष्टिकोण स' सफल रहल।